مين إحنا

محب اتسمّى على اسم طفل غالي علينا، من أصحاب الاحتياجات الخاصة. الطفل ده علّمنا إن أنقى محبة بتكون في أبسط قلب، ومن هنا بدأت الفكرة: نوصّل محبة المسيح للأطفال بطريقة تلمس قلوبهم الصغيرة.

إحنا بنؤمن إن الله محبة، وإن كل طفل يستاهل يكبر وهو حاسس بالمحبة دي. عشان كده بنصنع قصص جميلة، برسومات دافية وصوت حنون، تحكي عن قيَم الإيمان والرحمة والصدق بأسلوب بسيط يفهمه الصغير ويحبه.

وأكتر حاجة بتفرّحنا إن ده كله بأبسط سعر يقدر عليه أي بيت، وجزء من الربح بيروح لأعمال خير للأطفال ذوي الاحتياجات الخاصة — عشان المحبة اللي بدأنا بيها توصل لأبعد ما نقدر.